بسم الله الرحمن الرحيم 🌸
...
اهلاً بكم ب اول موضوع حبيت ابدا مع بساسي الحلوين
ميمي وبوبو 💕
دا السؤال اتكرر عليا كتيير من سنين 😆
انو احكيلنا كيف تهتمي ب قططك كل يوم ؟
او كيف اعتني بقطتي يومياً ؟ وايش تحتاج ؟ والخ..
....
طبعاً اكيد كل حيوان لو اهتمام خاص واشياء ضرورية
ولازم عناية ونظافة
....
بالبداية روتيني مع بساسي
يبدأ ببداية يومي يعني مرتبة كل شي اول ما اصحى😴
نبدأ ب التغذية:
اول شي اجهز لهم وجبة الغداء🍗
ونظامي بالتغذية هوا "راو فود" راح اقولكم عنو بعدين إن شآء الله
الوجبة محدده بالكمية ومفرزنه كل وجبه بكيس بلاستيك صغير بالفريزر
اكون مجهزتها من قبل بالتلاجه يفك التلج براحتو ووقت وجبتهم
احطو بمويه فاتره عاديه الى ان يدفى كويس واقدمو لهم بالعافية
وبعد 8 ساعات تقريباً تكون الوجبة التانيه العشاء بالليل "راو"🍖
وقبل النوم احط تقريبا اكتر من نص كوب دراي فود بيكون وجبة للفطور
الى اليوم التاني وهكذا😋
يعني وانا نايمة لو جاعو بيكون دا اكلهم😴👍🏼
....
مرات للتغير اضيف فوق الراو فود ملعقة من معلبات القطط الجاهزه
او اعطيهم دجاج مسلوق بس بدون اضافات
....
ميمي وبوبو مآشآءالله كبار متعدين التلات سنين ف عدد وجباتهم بتكون اقل
من الكيتن الصغار ومن الام المرضعه او الحامل🤗
عدد وجباتهم "2" وجبتين رئيسية "راو" ووجبه خفيفة بتكون عبارة عن دراي فود
او سناك خفيف مره بالاسبوع من حلويات القطط والمكافئات
....
والفيتامينات برضو ما اعطيهم يومي كم مره بالاسبوع فقط
وبكمية محدده ومرات اكتر من اسبوع
....
الموية الي يشربوها 💧 بمشربية خاصه للقطط تمنع البلل واغيرها كل كم يوم
واغسل المشربية بالكامل واحط مويه جديده
....
ونجي للنظافة : 💦🍃
طبعاً الي يعرفني بيشوفهم محلوقين دايماً 😁
يعني اول مايطول شعرهم احلقو
ف ماحتاج امشط ولا افك عقد ولا شي والحمدلله
والترويش مره بالشهر بما انو محلوقين على طول ف نظافه شعرهم وجلدهم
اول ب اول 👍🏼
ونظافة الاذن👂🏼
حسب ما اشوفها اتوسخت طبعاً بمحلول الاذن المنظف الخاص بالقطط
يعني يكفي مره بالاسبوع او اسبوعين
والاظافر 💅🏼
اقصصها ب استمرار عشان تعرفو لعب البسس العنيف كلو باليد 🤛🏼😂
وينتج عنها تشووهات لامفر منها ( اقصها بمقص القطط المخصص )
والعيوووون 👁👁
يومياً اشيل الوسخ بمنديل او قطن مبلل بمويه دافيه وازا مافي مايحتاج تنظيف
وعندي ميمي من النوع الي عيونها دايماً تلتهب وعندها حساسية
وطول وقتها افرازات ووسخ ولما يزيد الالتهاب استعمل قطره للحساسية
والحمدلله
.....
والليتربوكس 😾
كل يوم انظف الوسخ بالمجرفه او اقصى حد يووومين فقط
ويتغير الرمل كلو اسبوعياً وينغسل كل شي كويس
....
ووبس والله اتوقع دا هوا روتين عنايتي الخااااصه بقططي
ازا افتكرت شي راح احدث الموضوع اكيد 🙊
وبالنهاية كل مربي مختلف بطريقة العناية وحسب وقت كل شخص
والي يحب يشارك شي يكتبلنا
واكيد اهم شي علينا كلنا انو نهتم ب بساسنا قد مانقدر
لانهم ارواح واحنا مسؤولين عنهم 🙏🏼💕🍃
والله يحفظ الجميع 🐈💕
تعليقات
إرسال تعليق