السلام عليكم ورحمة الله وبركاته
أهلاً بكم جميعاً 😘
.. طبعاً زي ماهو مكتوب بالعنوان " روتين العناية اليومي ب طيوري "🦅
النظافة 🚿
أول وأهم شي النظافة .. للمشربية والقفص وصحن الأكل
الموية بالمشربيه تتغير يومياً والغسل بالصابون والمطهر كل كم يوم واقصى شي اسبوع
يعني يوميا شطف عادي بالموية بس
وصحن الأكل ينغسل حسب مايتوسخ
والقفص يتنظف من أسفل أنا استعمل الورق أسهل بالتغيير وأحسن يمتص الرطوبة
والدرج أنظفو تقريبا اسبوعيا
.....
التغذية 🍽
ماعندي نظام محدد بس أهم نقطه بالنسبالي هيا التنويـــع قد ما اقدر
كل واحد ضروري يهتم بتغذية طيرو عشان يكون بصحة حلوه ب اذن الله
الاكل الأساسي ومتوفر يومياً بالقفص
يكون عبارة عن بذور مشكلة خاصه بالطير نفسو مثلاً زي طيوري كوكتيل
البذور المشكلة فيها فصفص انواع منها الحب الشمسي وانواع من الدخن وحبيبات منوعه الخ
وبعدها نجي للوجبات الي اقدمها كل فتره
بتكون مثلا (خضار - فواكهه - خبز أسمر - رز أسمر - بيض مسلوق ) وغيرها
او اكل جاهز مثل ( الباتية خضار او فواكهه او بيض - زوبريم - حبيبات منوعه )
والوجبات الطريه نحرص انها تتقدم فقط كم ساعه وبعدها نشيل الباقي عشان قابله للتعفن
مثلا بيوم قطعه توست
واليوم الثاني او الي بعدو جرجير
رز مسلوق مع خضار مبشورة
وهكذا
<إن شآء الله انزل موضوع عن التغذية>
وأفضل شي تبحثو في قوقل عن نوع طيركم ونوع الغذاء المسموح عشان تكون عندكم قائمه
وتعطوهم كل يوم نوع وتغيرو لهم - البحث باللغة الانجليزية
......
العناية 🐥
كل يوم ضروري تطمنو ع طيوركم بتاكل بتشرب حركتها ونشاطها كيف واقفين وكدا
عشان تتابعو حالتهم ولو في احد تعب ولا مرض لاسمح الله تكتشفو من البداية
والله يحفظ الجميع
(اضافة الفيتامينات)💊
بالنسبة ليا اعطي طيوري فيتامينات وقت مايحتاجو فقط
مثلاً :
فيتامين كالسيوم بيكون قبل التجهيز للانتاج 🐣
او فتره تبديل ريش بيكون مخصص للريش
او طير جديد عندي فيتامين مولتي مخصص للطيور
او اني اعوضهم النقص بالتغذيه
او تغيير الجو والمكان
لكل حاله فيتامين خآص ممكن يعالج المشكلة
والأفضل نعطيهم وقت الحاجه فقط ونركز بتنويع التغذية
...
ووووبس إن شآء الله انكم تستفيدو
واي ملاحظه اتفضلووو
تعليقات
إرسال تعليق